تفتيح البشره بالارز والخيار وزيت جوز الهند
تفتيح البشره بالارز والخيار وزيت جوز الهند أزيكم حبيباتي عاملين إيه يارب دايما تكونوا بالف خير وسعاده يامساء الهنا والسعادة علي عيونكم الحلوين أحلي أخوات وأحلي متابعين في الدنيا
معاكم النهاردة وصفه جديده من وصفات أميرتي
الوصفه النهاردة جميله جداً لتفتيح البشرة
طبعا كلنا عارفين الأرز وتأثيره علي البشرة وقد إيه بيفتح البشرة وملوش أي ضرر علي البشرة بالعكس نتيجته رهيبه وفعاله جداً في التفتيح
لو فضلت أتكلم عن فوائد الأرز بجد مش هخلص خلطتي النهارده المكون الأساسي فيها الأرز مع باقي المكونات إلاهتنضاف علي الأرز هتشوفي نتيجه بجد جميله جداً وروعه في التفتيح
بس قبل ماأبتدي الفيديو بتاعي النهارده فضلا وليس أمرا منكم متنسوش اللايك الجامد بتاعكم والأشتراك في القناه وتفعلوا الجرس علشان يوصلكم كل جديد وتشيروا الفيديو علشان الكل يستفاد
تعالوا معايا نشوف وصفتنا النهارده ومكونتها عباره عن إيه هنجيب بوله صغيره
أول مكون معانا وهو الأرز :هناخد ثلاث معالق كبيرة من الأرز زي ماأنتم شايفين في الفيديو وهنضيف كوب من الماء علي الأرز هتحطيهم في برطمان وتقفليه كويس
وهتسبيه لمده لا تقل عن ٤٨ ساعه طبعا انا كنت عملاها في برطمان وسبتها لمده ٤٨ ساعه ودي شكل الميه بعد ماسبتها لمده ٤٨ ساعه في الأرز زي ما أنتم شايفين في الفيديو كده
الميه بقت بيضه ازاي ده بنسميه أرز متخمر هنفضي الأرز والميه إلا في البرطمان وهنضربهم في الخلاط هعملها وهرجعلكم تاني أستنوني
ورجعتلكم شايفين شكل الأرز بعد ماضربته في الخلاط شايفين قد إيه اللون أبيض جداً بس طبعا لسه الخلطه مخلصتش هنعمل إيه بعد كده هتجيبي بوله صغيرة وتصفي فيها الخليط ده زي ماأنتم شايفين كده في الفيديو وبعدين ألا هنحتاجه بس الميه ألاهتنزل من الخليط
وبعدين هتجيبي وعاء هتحطي فيه الميه إلا نزلت من الخليط وهتحطيها علي نار هادئه مع التقليب المستمر لحد ماتتماسك مع بعضها وتبقي زي الكريم كده هعملها وأرجعلكم
ورجعتلكم تاني شايفين ياجماعه القوام عامل أزاي هو ده القوام ألا أنا عاوزاه تاني مكون معايا وهو الخيار طبعا كلنا عارفين فوائد الخيار للبشرة وقد إيه بيكون مرطب قوي للبشرة هنحتاج خياره معانا وهنبشرها زي ما أنتم شايفين في الفيديو
وهنصفي مبشور الخيار كويس وهناخد الميه إلا نزلت من الخيار وهنضيفها علي كريم الأرز ونقلبهم كويس جداً لحد مايتجانسوا مع بعض
تفتيح الهالات السوده وتقشير البشره بالبن وزيت اللوز الحلو
تالت مكون معانا هو العسل الأبيض :هناخد معلقه كبيره وهنضفها علي الخليط ونقلبهم كويس وأخر مكون معانا وهو زيت جوز الهند
هناخد معلقه كبيرة ونضفها علي الخليط ونقلبهم مع بعض كويس جداً بس لو أنتم حابين تضيفم أي زيوت تانيه غير جوز الهند مفيش أي مشكله بس أنا بحب زيت جوز الهند لأنه ليه فوائد كتير أوي للبشرة
بجد وصفه الأرز دي جميله جداً وفوائدها في منتهي الجمال بتقضي علي الكلف إلا في بشرتك وكمان بتشد البشرة وبتقضي علي التجاعيد وكمان بتوحد لون البشرة
وبتقلل ظهور الشيخوخه المبكر بجد رهيبه دي الخلطه بتاعنا إلا عملتها معاكم في فيديو النهاردة
هيكون أستخدام يومي هتحطي علي وشك كده زي ماأنتم شايفين في الفيديو كده تسبيه في علي وشك لمده لا تقل عن ٢٠ دقيقه وبعدين تغسلي وشك بالماء الدافي
وبعدين بماء بارد علشان تقفلي المسام وتقدري تحتفظي بباقي الخليط في علبه وتحطيها في الثلاجه مش هيضر في حاجه
جربوها ولو النتيجه كانت حلوة هاستني تعليقاتكم وتقولولي النتيجه يارب أكون أفادتكم النهاردة والفيديو يكون عجبكم
مش هوصيكم ياجماعه متنسونيش في اللايك الجامد بتاعكم والأشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
أشوفكم علي خير فيديو جديد وخلطه ووصفه جديده من وصفات أميرتي سلام