وصفه سحريه تخلصك من دهون الجسم في إسبوع
وصفه سحريه تخلصك من دهون الجسم في إسبوع إزيكم حبيباتي عاملين اية يارب دايما تكونم بالف خير وسعادة
يا مساء الهنا والسعادة عليكم أحلي متابعين في الدنيا ربنا مايحرمنيش منكم ويخليكم ليا دايما يارب
أنا اميرة معاكم النهاردة ووصفات أميرتي
جيبالكم النهاردة معايا وصفه جميله جدا للتخسيس تمام الناس الإ حابه إنها تخس وتنزل جسمها لوزن معين الخلطه هتعجبكم جدا وهتوصلك للنتيجه الإ انتم عاوزينها
طبعا المكون الاساسي في وصفيتي النهاردة هو الفلفل الخضر أو الرومي بس قبل ما أبتدي وصفتي النهاردة في حاجات حابه اعرفها لكم
الناس الا بتعاني من الوزن التقيل أوي أنتم ممكن لو تجروا كل يوم ساعه كده هيضبط معاكم كتير مع طبعا النظام في الأكل هيبقي حلو جدا تنظيم الأكل
دي ياجماعه أهم من اي حاجه مش عشان بلعب تمارين او بشرب حاجات للتخسيس هدوس في الاكل براحتي لا طبعا غلط أهم حاجه الإنتظام في الاكل
طبعا مش هقدر اقلكم تعملم تمارين كل يوم لأنها هتكون ضغط جامد علي مفاصل جسمكم علشان كده بقول لو جريتوا كل يوم ساعه هيكون أحسن ليكم ده بالنسبه للناس الإ وزنها تقيل جدا
أما بالنسبه للناس الإ وزنها مش كتير وحابه أنها تخسس جسمها وتوصله لوزن معين إنتم ممكن تعملوا بحث عن تمارين للأرداف أو البطن أو أي منطقه أنتي حابه تخسسيها
ممكن تعملي تمارين لمده ساعه وبعدين أقعدي بعدها كام ساعه كده متاكليش هتضبط معاكي جامد وهترفع نسبه الحرق في جسمك صدقيني هتحسي بفرق جامد
مع برده التنظيم في الاكل هتوصلي للوزن الاعوزاه وبرده عاوزة افهمكم معلومه صغيره لما بنبتدي اي دايت او بنشرب اي مشروب للتخسيس
اول حاجه بتنزل في جسمنا هو الوش لان الدهون فيه بتكون خفيفه وبعد كده بينزل علي باقي الدهون الافي الجسم
لكن طبعا مش هينفع نقول انا هاخد الوصفه دي علشان انزل الكرش او الارداف أو أو لا كل ده غلط أي وصفه للتخسيس بتكون للجسم كله اتمنى مكنش طولت عليكم في الكلام
نيجي للوصفه بتاعنا وهي مشروب الفلفل الاخضر لحرق دهون الجسم
المشروب السحري لحرق الدهون في رمضان
اول حاجه هنجيب بوله ونقطع فيها اتنين من الفلفل الاخضر زي ماانتم شايفين في الفيديو هنقطعهم قطع صغيره
تاني مكون معانا وهو الزنجبيل : طبعا كلنا عارفين فوايد الزنجبيل هو فعلا إسطوره في الحرق
هناخد معلقه صغيره من الزنجبيل
وهناخد المكونات ونحط عليها نصف لتر من الماء وهنضربها في الخلاط هعملها وارجعلكم تاني
ورجعتلكم بعد ماضربت المكونات في الخلاط زي ماانتم شايفين كده
انا عملت يكفيني يومين انتي حابه تزودي علي راحتك انتي ممكن تحتفظي بباقي الخليط في الثلاجه لمده ٤ ايام فقط متزوديش عن ٤ايام
هنجيب صفايه علشان نصفي الخليط بتاعنا هنصفيه في كوبين تمام وهنجيب ليمونه ونقطعها نصفين هنعصر نصف في كوب والنصف التاني في كوب
بجد فوايد المشروب ده جميله جدا بجد المشروب تحفه ولو مشيتي عليها اسبوع هتوصلي للنتيجه الاترضيكي ان شاء الله وصدقوني هيعجبكم المشروب
جربوه وهتدعولي والله لانه فعلا مشروب سحري استخدام المشروب ازاي هو مرة واحده في اليوم بس
هتشربي كوبايه بعد الغدا بنصف ساعه هتاكلي وبعدها بنصف ساعه هتشربي المشروب بتاعنا
دي كانت وصفتي للتخسيس النهاردة يارب تكون عجبتكم
مش هوصيكم ياجماعه ماتنسوش اللايك الجامد بتاعكم والاشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
اشوفكم علي خير فيديو جديد وخلطه ووصفه جديده مع وصفات أميرتي سلام