الخلطة السحرية لتغذية الشعر وتطويله
الخلطة السحرية لتغذية الشعر وتطويله ازيكم حبيباتي عاملين اية وحشتوني كتير النهاردة معايه وصفه جميله جدا للشعر هما وصفتين مش واحده
اول وصفه معايا وهي عباره عن شامبو يعني هتقدري تعملي شامبو لشعرك في البيت وبمكونات طبيعيه وهيكون في مكون أساسي للوصفتين بس بجد المكون ده جميل جدا وفعال
بيغذي الشعر وكمان بيعطيه صحه ولمعان وكمان بيطول الشعر وبينبت الاماكن الا فيها فراغات في الشعر هعمل الوصفه وتجربوها وتقولولي النتيجه في التعليقات
وان شاء الله نتيجتها تضبط معاكم زي ماكانت معايا بس طبعا قبل ما أبتدي الفيديو
متنسوش اللايك الجامد جدا بتاعكم والاشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
يلا حبيباتي نشوف وصفتنا النهاردة عبارة عن ايه ان شاء الله تعجبكم
نبتدي مع بعض بالوصفه الاهي الشامبو ولو استمريتي علي الوصفه هتجيب نتيجه فعاله معاكي أول حاجه هنجيب كوبايه كبيره زي ما أنتوا شايفين
وهنضيف أول مكون معانا وهو مطحون السدر وده بتجبيه من أي عطار بتحطي معلقتين كبار من مطحون السدر في الكوب
وبعدين هتجيبي كوب ماء مغلي هتحطيها عليه وهنقلبها كويس لحد ما تتجانس الميه مع مطحون السدر وبعدين بتغطي الكوبايه لمده عشر دقايق
وبعدها هتلاحظي أن المايه اتجانست كويس أوي مع المطحون وبعدين هتجيبي صفايه وتصفي الخليط ده وبعدين هتاخدي المايه الا طلعت وهتضربيها في الخلاط كويس جدا
هيطلع معاكم رغوة جامده جدا وزي ما أنتوا شايفين دي هيكون الشامبوا بتاعنا إستخدامه ازاي بقي
هتغسلي شعرك بيه يومين في الاسبوع الوقت الا هتغسلي فيه شعرك
إعملي علي قد الكميه الا هتغسلي بيها عمايله سهله جدا ومش بتاخد وقت وطبعا بتدعكي شعرك كويس بحركات دائريه علشان يوصل لفروة شعرك وتوصلي لنتيجه كويسه دي كانت الوصفه الأولي معايا
المشروب السحري لحرق الدهون في رمضان
نيجي للوصفه التانيه والمكون الرئيسي فيها بردة مطحون السدر الوصفه هتكون عبارة عن غسول للشعر
أول مكونين معانا في الوصفه وهما الثوم والبصل
هتجيبي بصله كبيره وتقشريها وتغسليها كويس وتقطعيها وكمان هتجيبي خمس فصوص ثوم وبعدين هتجيبي وعاء تحطيه علي النار وهتحطي لتر ماء وتحطي الثوم والبصل وتسبيه لحد ماتغلي كويس
وبعدين تطفي النار وبعدين هتجيبي وعاء كبير وهتحطي فيها معلقتين كبار من مطحون السد وبعدين هتصفي عليها المايه الا غليتي فيها البصل والثوم
هتقلبيهم مع بعض كويس لحد مايتجانسوا مع بعض وبعدين هنجيب معلقه كبيره من زيت اللوز الحلو وكمان معلقه من زيت الزيتون طبعا كلنا عارفين فوايد زيت الزيتون للشعر جميل جدا
هنقلبهم كويس علشان المكونات تتخلط كلها مع بعض وهنغطيها لمده عشر دقايق او لحد ماتستحملي سخونه الميه وبعدين هتغسلي شعرك من الشامبو الا إحنا عملناه في أول الفيديو
لان الوصفتين بيساعدوا بعض وطبعا هتدعكي شعرك بحركات دائريه علشان الغسول يوصل لفروة شعرك وهتجيبي فوطه وتكون سخنه
وتلفي بيها شعرك لمده لا تقل عن ربع ساعه وبعدين هتغسلي شعرك بماء فاتر عادي وتغسلي كويس علشان اي تفل من مطحون السدر في الميه ينزل
وعلي فكرة الوصفتين بجد رائعين جدا ومفعولهم مع بعض حاجه جميله جدا وعن تجربه شخصيه مني ومن ناس تانيه كمان جربتهم ونتيجتهم جميله جدا بطول الشعر وكمان بتمنع تساقطه
وبتعالج اي أماكن فارغه فيه جربوها وهتدعولي ودي كانت الوصفتين انهارده يارب اكون افادتكم هستني تعليقاتكم لما تجربوها ومتنسوش اللايك الجامد بتاعكم
لو الفيديو عجبكم وتشتركوا في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد واي بنت عندها اي مشكله في بشرتها او جسمها او شعرها تكتبلي في التعليقات
وان شاء الله هتلاقي الحل معايا اشوفكم علي خير في الفيديوهات الجايه وخلطه ووصفه جديده مع وصفات اميرتي سلام