تفتيح الهالات السوده وتقشير البشره بالبن وزيت اللوز الحلو
تفتيح الهالات السوده وتقشير البشره بالبن وزيت اللوز الحلو معايا ليكم النهارده وصفتين
أول وصفه عباره عن مقشر للبشره بس بجد تحفه حاجه وهم فعلا بجد وعن تجربه مش قادرة أوصفلكم جمال القمر ده معايا ومخلي بشرتي جميله جدا
الوصفه التانيه للهالات السوده تحت العين بس طبعا قبل ما أبتدي الفيديو بتاعي مانسونيش في اللايك الجامد بتاعكم والاشتراك في القناه وتفعلوا الجرس علشان يوصلكم كل جديد
تعالوا معايا نشوف الوصفه الأولي عباره عن ايه هنجيب بوله صغيره
وأول مكون معايا وهو البن: طبعا كلنا عارفين فوايد البن للبشرة وقد ايه بيساعد علي أختفاء وشد التجاعيد حول العين وكمان بيقلل ظهور الشيخوخه المبكر بجد مكون تحفه هناخد معلقه صغيره من البن
تاني مكون معانا هو القرفه: طبعا القرفه مكون جميل جداً للبشرة وبيجري الدورة الدمويه في البشرة وكمان بيساعد علي أختفاء أي حبوب في البشرة
هناخد معلقه صغيره من القرفه تالت مكون معايا وهو اختياري حابه تضفيه ماشي مش حابه خلاص الا يريحك بس انا بحب اضيفه بالذات للمقشر هناخد معلقه صغيرة من السكر
واخر مكون وهو زيت الزيتون :طبعا في غني عن التعريف زيت الزيتون لو اتكلمنا عن فوايده مش هيخلص الكلام لان طبعا فوايده جميله جدا للبشرة
وعلي فكره يابنات أنتم ممكن تستخدموه يوميا علي بشرتكم قبل النوم هتجيبم قطنه وتحطوها بزيت الزيتون وتمسحم بيها بشرتكم
بجد هتبقي صافيه وجميله هناخد معلقتين صغيرين من زيت الزيتون علي المكونات وهنقلبهم كويس جداً لحد مايتجانسوا مع بعض
عاوزاه يوصل للقوام إلا أنتم شايفينه ده تمام نيجي للأستخدام أنا هطبق المقشر علي بشرتي في الفيديو طبعا هتكوني منظفه بشرتك جداً من أي شوائب أو ميكب وهتجيبي المقشر الأ عملناه وهتبدئي توزعيه علي بشرتك كويس زي ما أنتم شايفين
ولو أتبقي أي مقشر ماترميش حاجه أنتي ممكن تحتفظي بيه في الثلاجه وتستخدميه تاني هتسيبي المقشر علي بشرتك لمده عشر دقايق هسيبه علي بشرتي عشر دقايق وهرجعلكم تانيه
ورجعتلكم تاني بعد عشر دقايق ونشيل المقشر مع بعض هنعمل حركات دائريه للمقشر علي البشره زي ماأنتم شايفين كده
بالضبط علشان تجري الدورة الدمويه في وشك هنزيل كل المقشر من وشنا وبعدين نغسله بماء دافي وبعدين بماء عادي علشان تقفلي مسام الوش هغسل وشي وأرجعلكم
ورجعتلكم تاني بعد ماغسلت بشرتي من المقشر شايفين الجمال بجد تحفه ومش قادرة أوصفلكم جمال بشرتي بعد المقشر ده بجد تحفه وجميل جداً
تاني وصفه زي ماقلتلكم خاصه بالهالات السودة تحت العين نجيب طبق صغير
هيكون معانا المكون الجامد جداً إلابجد له تأثير جميل جدا عالبشره والهالات السودة تحت العين وهو البن هناخد معلقه صغيره من البن
وثاني مكون هو زيت اللوز الحلو :بجد الزيت ده تحفه جدا وعن تجربه مني فعلا جميل جدا وبيحافظ علي نضارة البشرة وبيخليها صافيه وجميله جداً هناخد معلقه صغيره من زيت اللوز الحلو
والمكون الثالث معانا وهو كبسوله من فيتامين E الالف: ولو عندك الكبسولات الصغيرةإلاهي 500 حطي منها كبسولتين بجد الكبسولات دي مفيده جدا للبشرة
يلا ننسف الدهون في إسبوع مع بذور الشيا
هنفتح كبسوله وهناخد الماده الاجواها ونحطها علي الخلطه بتاعنا وهنقلبهم كويس وبعدين هتجيبي المناديل إلابتتحط تحت العين وتحطيها في الخليط وبعدين تحطيها تحت العين زي ما أنتم شايفين الفيديو كده لمده عشر دقايق وبعدين هتشليها
وبعدين تعملي بصابعك تحت العين زي ماأنتي شايفه في الفيديو وبعدين هتمسحي كويس تحت العين وبعد كده هتغسليها وشوفي النتيجه بعدها بجد تحفه
والله الوصفتين في منتهي الجمال فعلا وجربيهم هتدعيلي أنا عن نفسي بستخدمهم دايما والنتيجه جميله جدا وبالذات الا عندها اطفال وديما بتسهر كتير صدقيني الوصفتين هيعجبوكم جداً
ودي كانت الوصفتين بتوعنا النهاردة يارب اكون أفادتكم ويارب أكون ضيفه خفيفه علي قلبكم
طبعا متنسوش اللايك الجامد بتاعكم والاشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
أشوفكم علي خير فيديو جديد وخلطه ووصفه جديده مع وصفات أميرتي سلام