كراتين طبيعي في المنزل
كراتين طبيعي في المنزل أزيكم حبيباتي عاملين إيه يارب دايما تكونوا بالف خير وسعادة يارب يامساء الهنا والسعادة علي عيونكم الحلوين ياأحلي أخوات وأحلي متابعين في الدنيا
النهاردة معايا وصفه جديده من وصفات أميرتي
الوصفه دي ياجماعه خاصه بالشعر المجعد والخشن طبعا بعض الستات أو كل الستات عامة بيروحوا الكوفير علشان يعملوا شعرهم كيراتين وفرد وكل الحاجات دي
طبعا بتقضي علي الشعر وبتضعف بوصيله الشعر أنا بقي جيبلكم معايا النهاردة الكيراتين لحد بيتك من غير ماتتعبي نفسك أو تروحي كوافير وتصرفي فلوسك وفي الأخر شعرك يبوظ ويتساقط والله الوصفه إلامعايا جميله جداً ومجربه
أنا بنفسي جربتها لأن شعري كان متبهدل جداً ومجعد وكنت دايما بفرده لحد ماباظ ووقع ولما جربت الوصفه دي فعلا فرقت معايا كتيير أوي وضبطة شعري جداً الوصفه بسيطه جداً ومش هتكلفك لاوقت ولامجهود ولافلوس
بس طبعا قبل ما أبتدي الفيديو فضلاً وليس أمرا منكم حبايب قلبي ياريت تشتركوا في القناه وتفعلوا الجرس علشان يوصلكم كل جديد وتشيروا الفيديو علشان الكل يستفاد
تعالوا معايا نشوف وصفتنا النهارده ومكونتها عبارة عن إيه
أول مكون معانا في وصفه الشعر وهي بذور الكتان طبعا كلنا عارفين بذو الكتان وفايدتها للشعر بجد جميله جداً وبتساعد علي فرد الشعر المجعد والخشن وكمان بيغذي الشعر ونتيجته مضمونه جداً وعن تجربه مني
هتجيبي وعاء بتحطيه علي النار وهتحطي فيه ثلاث معالق كبار من بذور الكتان زي ماحضراتكم شايفين بالفيديو كده وهتحطي عليهم كوب من الماء وعلي نار هادئه لمده عشر دقايق مع التقليب المستمر لأستخراج چيل بذور الكتان زي ماحضراتكم شايفين بالفيديو كده
سبتها لما بردت وبعدين صفيت الچيل إلاخرج من بذور الكتان زي ماحضراتكم شايفين بالفيديو هنسيب الچيل علي جمب ونشوف مع بعض
المكون الثاني وهو الموز هنجيب موزه واحده ونقشرها ونجيب طبق صغير ونقطعها زي ماحضراتكم شايفين بالفيديو وبعدين نهرسها كويس جدا
شاهدي ايضا وصفة للشعر المجعد ومنع تساقط الشعر
ثالث مكون معانا وهو زيت الزيتون طبعا كلنا عارفين فوائد زيت الزيتون للشعر بجد تحفه وبيطري الشعر وبيمنع سقوطه وأنتي ممكن تحطي أي زيت تفضليه زي زيت جوز الهند أو أي زيوت تانيه
بس أنا بحب زيت الزيتون لأنه ليه فوائد كتيره للشعر هناخد معلقتين كبيرة من زيت الزيتون وهنخلطهم كويس جداً مع الموزة بجد الخلطه في منتهي الجمال ونتيجتها جميله جداً للشعر
وانا مجرباها علي شعري والنتيجه عجبتني جداً هنجيب چيل بذور الكتان إللي عملناه وهناخد منه معلقتين كبيرة ونضفهم علي الموزة وزيت الزيتون وهنخلطهم كويس جداً مع بعض لحد ما يتجانسوا زي ماحضراتكم شايفين بالفيديو كده
صدقوني الوصفه بسيطه جداً ومش هتكلفك حاجه خالص وكمان نتيجتها هتعجبكم جداً لاني فعلا أستخدمتها علي شعري وكمان شعر بنوتي والنتيجه جميله جداً هتستخدميها أزاي هتقسمي شعرك نصفين وهتدهني من الخليط خصله خصله
وبعد ماتخلصي هتعملي تدليك لفروة الشعر علشان تشرب من الخلطه بتاعنا وهتجيبي كيس أو لوعندك بونيه للشعر البسيها لمده ساعه كامله وبعدين هتغسلي شعرك كويس بالشامبو الخاص بيكي هتكرريها مرتين في الأسبوع
صدقيني النتيجه هتعجبك جداً ومش هتحتاجي تروحي الكوافير تاني وممكن تستخدميها لشعر بنوتك مفهاش أي ضرر جربوها وهتدعولي وهستنا تعليقاتكم وتقولولي في الكومنتات علي النتيجه
دي كانت وصفتي النهاردة إلاهي عباره عن كراتين منزلي للشعر يارب تكون الوصفه عجبتكم وأكون أفادتكم ويارب أكون ضيفه خفيفه علي قلبكم
متنسوش اللايك الجامد بتاعكم ولو لسه جديده أنزلي أشتركي وفعلوا الجرس علشان يوصلكم كل جديد مني وتشيروا الفيديو علشان الكل يستفاد
أشوفكم علي خير فيديو جديد وخلطه ووصفه جديده مع وصفات أميرتي سلام