المشروب السحرى للتخسيس في اسبوع
المشروب السحرى للتخسيس في اسبوع أزيكم حبيباتي عاملين ايه يارب دايما تكونوا بالف خير وسعاده
يامساء الهنا والسعاده علي عيونكم يارب وأيامكم الجايه إن شاء الله تكون كلها سعيده
معاكم وصفه جديده من وصفات أميرتي والوصفه النهاردة خاصه بالتخسيس أو خاصه للناس إلا هي حابه تنزل جسمها أو تخسس نفسها والكلام ده كله
تمام وصفتي النهارده المكون الرئيسي إلا فيها وهو الزنجبيل كلنا عارفين الزنجبيل وأنا كنت من فترة عملت برده خلطه للتخسيس بس خلطه النهاردة هي مش خلطه
هي عبارة عن مشروب لكن أنا من فترة كنت عملت خلطه للتخسيس وكان المكون الرئيسي فيها الزنجبيل الوصفه كانت جميله جدا جدا
وفي ناس جربتها ومنهم ناس قرايبي جربوها وماشين عليها والخلطه بجد في منتهي الجمال والروعه لو حابين تدخلوا وتشفوها علامه الإي إلا هتظهر في الفيديو ممكن تدخلوا عليها هيظهر ليكم الفيديو وهتشفوها وجربوها وهتدعولي
المشروب بتاعنا النهاردة هيعجبكم جداً أنا عن نفسي بسميه مشروب سحري جميل جداً جداً هتستفادو منه كتير وكل المكونات إلافيه من مطبخك ومكونات طبيعيه وأنا ياجماعه مبعملش أي خلطه فيها مكون ضار للجسم أو للشعر أو للبشرة لأن مكوناتي كلها طبيعيه وجميله
المكون الأساسي بتاعنا النهاردة زي ماقولنا وهو الجنزبيل أول حاجه معانا هنا الجنزبيل طبعا كلنا عارفين شكل الجنزبيل بتاخدي معلقه صغيرة من الجنزبيل
والمكون التاني معانا وهو البن طبعا لاغني عن البن في كل حاجه في كل خلطه للبشرة للشعر للجسم للتخسيس البن دي ياجماعه مفعوله قسما بالله رهيب بجد هناخد ثلاث معالق صغار من البن
المكون الثالث معانا وهي القرفه طبعا انتوا عارفين شكل القرفه هناخد منها نص معلقه صغيرة وأخر مكون معانا من المشروب بتاعنا انهاردة وهو القرنفل كلنا عارفين طبعا القرنفل بتاخد اتنين من القرنفل او مصمرين صغيرين بنحطهم معانا في الخلطه بتاعتنا
بنقلبهم مع بعض لحد ما يتجانسوا كويس وبتحطي عليها لتر من الميه وبتحطيها علي النار لمده عشر دقايق هعملها وأرجعلكم تاني نشوف هنعمل إيه أستنوني متمشوش رجعالكم
ورجعتلكم تاني وبعد ما غلينا الخلطه بتاعنا النهاردة الاهي المشروب السحري بتاع سبتها لحد مابردت شوية وبعد كده هتصبيها كمشروب عادي زي ما انتوا شايفين كده ده المشروب بتاعنا النهاردة
شايفين بجد مشروب سحري مش قادرة أوصفلكم جمال المشروب بجد تحفه كل مكون فيه بيتكلم عن نفسه سواء كان الزنجبيل أو البن أو القرنفل أو القرفه الأربع مكونات زي الفل بجد مفيش كلام يوصفهم وبالذات للتخسيس تمام دي المشروب بتاعنا النهاردة المشروب السحري ألابقول لكم عليه لو أنتي مثلا حابه تحليه
يلا ننسف الدهون في إسبوع مع بذور الشيا
شويه لأن طبعا الطعم بتاعه مش هيعجبكم أوي يعني ممكن معلقه عسل نحل صغيرة ويكون طبيعي
لكن لو هتشربيه كده من غير تحليه هيكون أحسن ليكي بكتير ونتيجته هتكون افضل
تعالوا بقي نشوف هنستخدمه أمته وأزاي هو المفروض كوبين في اليوم كوب قبل الفطار بنصف ساعه والكوب الثاني بعد الغدا بنصف ساعه ومتنسوش ياجماعه زي ما بقول في كل فيديوهاتي الخاصه بالتخسيس
لازم تنظموا في الأكل أهم حاجه عندي النظام في الأكل مش معني اني عملت مشروب علشان أخسس يبقي هاكل وهضرب اي حاجه لا طبعا الكلام ده خاص بالناس إلا دايما بياكلو محشي انا عارفاكوا أصل انا زيكوا والله
تمام دي كانت وصفتي النهارده يارب اكون ضيفه خفيفه علي قلبكم ويارب أكون أفادتكم النهاردة في الفيديو بتاعي صدقوني ياجماعه والله جربوها وهتدعولي لو استمريتوا عليها اه علي فكرة لو حابه تجيبي نتيجه سريعه استخدميها يوميا لمده أسبوع يعني مثلا الكميه الا أنا عملاها هحتفظ بيها في الثلاجه لمده ثلاثه أيام تمام
هطلعها واشربها حابه انك تسخنيها في الميكرويف عندك مفيش مشكله بس تحتفظي بيها لمده ثلاثه أيام بس وعمايلها مش صعبه و بسيطه جداً وسهله جداً جداً لأن كل المكونات ألا فيها بسيطه مش صعبه انتي ممكن تستخدميها لمده اسبوع وهتجيب معاكي نتيجه فعاله إن شاء الله
يارب يكون الفيديو عجبكم النهارده وأكون أفادتكم انهاردة ومتنسونيش في دعواتكم ليا ومتنسوش اللايك الجامد بتاعكم وكمان لو أنتي لسه جديده ولو أول مره تشوفي القناه متنسيش الاشتراك و تفعلي الجرس علشان يوصلكم كل جديد
وكمان تشيروا الفيديوا علشان الكل يستفاد اشوفكم علي خير إن شاء الله فيديو جديد ووصفه جديده من وصفات أميرتي سلام
