خلطة بالأعشاب الطبيعية لمنع تقصف الشعر وملأ الفراغات
خلطة بالأعشاب الطبيعية لمنع تقصف الشعر وملأ الفراغات ازيكم حبيباتي عاملين اية يارب دايما تكونوا بالف خير وسعادة يارب وحشتوني جدا
معاكم النهاردة ووصفه جميله جدا خاصه بالشعر المقصف وملئ الفرغات هي كلها خلطات طبيعيه وسهله جدا ومش صعبه عليكم وكلها في متناول إيديكم من عند العطار تمام
الوضفه بجد جميله جدا بتساعد علي تطويل الشعر وبتمنع التقصف والهيشان وكمان بتملئ الفراغات الا في الشعر وبتمنع تساقط الشعر بجد الوصفه دي رهيبه جدا وهتعجبكم ان شاء الله
وعاوزه اقول لكم عن تجربتي مع الوصفه دي بجد عملت معايا مفعول جامد لشعري لما استمريت عليها أنا شعري كان مقصف جد وهايش بس حسيت بالفرق
بعد ما استخدمت الوصفه دي بجد استخدام الوصفه دي هيكون مرة واحده في الشهر لأن كل مكون في الوصفه ليه ميزه معينه للشعر وإحنا معانا ٧ اعشاب هنعمل بيهم الوصفه بتاعتنا
بس طبعا فضلا وليس امرا منكم ماتنسوش اللايك الجامد بتاعكم ولو لسه جديدة واول مرة تشوفي قناتي اشتركي في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
الخلطة السحرية لتغذية الشعر وتطويله
تعالوا معايا نشوف وصفتنا النهارده بتتكون من ايه
أول حاجه هنجيب بوله كبيرة وأول مكون معانا هو المرمريه طبعا كلنا عارفين فوائد المرمريه للشعر وكمان ريحتها جميله جدا وبتغذي بوصيله الشعر
وموجوده عند أي عطار بتجيبي معلقه كبيره من المرمريه في البوله بتاعنا
تاني مكون معانا هو الشاي الاخضر طبعا مفيش بيت بيستغني عن الشاي الاخضر ومتوفر عند العطارين فوايد الشاي الاخضر جميله برده للشعر وبيمنع تساقط الشعر هنجيب معلقه كبيره من الشاي الاخضر
المكون الثالث معانا هو الروزماري بجد مكون جميل جدا للشعر وبيساعد علي فرد الشعر وكمان بيعطيه نعومه ولمعان هنجيب معلقه كبيره من الشاي الاخضر
المكون الرابع معانا هو ورق السدر طبعا مهما اتكلمنا عن ورق السدر مش هنقدر نوصف قد أيه هو جميل ومفيد جدا للشعر وبيساعد علي ملئ الفراغات في الشعر بجد في منتهي الروعه هنجيب معلقه كبيره من ورق السدر
المكون الخامس معانا هو الشاي الاحمر طبعا متوفر في كل بيت برده ليه فوايد كتير للشعر هنجيب معلقه كبيره من الشاي الأحمر
المكون السادس معانا هو ورق الغار أو اللوري وعلي فكر يا جماعه معلومه صغيرة عن ورق الغار أو اللوري لو إستخدمتي مطحون ورق الغار أو اللوري علي فنجان زيت زيتون
وإستخدميه كدهان يومي لشعرك برده نتيجته جميله جدا جدا وفعاله للشعر الهايش هنجيب حوالي ٥ورقات من اللوري أو الغار
واخر مكون معانا هو الحبه السودة أو حبه البركه بجد المكون ده جميل جداً وانا استخدمته في معظم خلطات للشعر وكانت نتيجته جميله جدا
دي كانت المكونات بتاعنا هنقلبهم كويس نخلطهم مع بعض هنعمل ايه بعد كده بتجيبي حوالي لتر مايه مغليه وتحطيها علي المكونات بتاعنا وتقلبيها كويس عشان تتجانس مع الميه المغليه
وكل فوايد المكونات تتكون في الميه ولو انتي حابه تضاعفي الكميه بتاخدي من كل مكون معلقتين هنغطي المكونات كويس وهنسبها متغطيه لمده لا تقل عن نصف ساعه هرجعلكم تاني نشوف الوصفه بقت ازاي بعد ماسبناها نصف ساعه
ورجعت معاكم تاني هنجيب بوله كبيره ونصفي الميه الا عملناها في الوصفه ودي شكل الميه اخدت كل خلاصه الاعشاب الا حطناه شايفين شكلها بقي ازاي
هنيجي بقي للاستخدام بتاعها
هنجيب فنجان صغير وهتجيبي شعرك كله علي قدام وهتاخدي بالفنجان وتحطي علي شعرك وتدعكي كويس بحركات دائريه علشان خلاصة الأعشاب توصل لفروة شعرك كويس
هتعملي كده لحد ما تخلصي الميه كلها لمده ربع ساعه زي ما أنتوا شايفين في الفيديو صدقوني جربوها ومش هتندموا لانها بجد خلطه من الأعشاب جميله جدا ومغذيه للشعر
ومميزاتها كتير بتساعد علي تطويل ولمعان ونعومه الشعر وكمان بتمنع التقصف والهيشان وبتساعد كمان منع تساقط الشعر طبعا زي ماقلتلكم كلها اعشاب طبيعيه في متناول ايديكم
وهي مرة واحده في الشهر بس تعالوا بقي في غسول جميل جدا للشعر ممكن تستخدميه يوميا او وقت ماتغسلي شعرك الغسول عباره عن ايه
هنجيب جزرتين ونقشرهم كويس وبعدين هنقطعهم قطع صغيره وهنحط عليهم نص لتر مايه وهنضربهم في الخلاط وبعدين هنصفيهم كويس
هناخد الميه الانزلت من الخليط وهنضيف عليها معلقتين كبيره من خل التفاح طبعا خل التفاح ده جميل جدا للشعر ومفيد لفروة الشعر جدا هو الغسول جميل جدا ومفيد للشعر
هنحطهم في زجاجه عندك وهنرجها كويس علشان يتجانسوا مع بعض وهنركنها في مكان يكون رطب لوقت الاستخدام
وبكده اكون خلصت فيديو النهاردة وبجد جربوا الوصفتين الاهما خلطه الاعشاب وكمان غسول الجزر صدقوني جربوها وهتفيدكم كتير وهتدعولي
يارب اكون افادتكم النهاردة واكون ضيفه خفيفه علي قلبكم طبعا مش هوصيكم ياجماعه متنسوش اللايك الجامد
بتاعكم والاشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
أشوفكم علي خير فيديو جديد ووصفه وخلطه جديده مع وصفات اميرتي سلام
