ماسك البطاطس لازاله تجاعيد البشرة والخطوط حول العين
ماسك البطاطس لازاله تجاعيد البشرة والخطوط حول العين أزيكم حبيباتي عاملين إيه يارب دايما تكونوا بالف خير وسعادة
يامساء الهنا والسعادة علي عيونكم الحلوين يا أحلي أخوات وأحلي متابعين في الدنيا
النهاردة معايا وصفه جديده خاصه بإزاله التجاعيد والخطوط الدقيقه حول العين والهالات السودة تحت العين
الوصفه تحفه وفعلا نتيجتها حلوة جداً وهتعجبكم وكل مكونتها طبيعيه من قلب مطبخك ومش هتكلفك لا وقت ولامجهود ولا فلوس وصفتي النهاردة هتعجبكم جداً
بس طبعاً قبل ما أبتدي الفيديو فضلاً وليس أمرا منكم حبايب قلبي ماتنسوش أختكم في اللايك الجامد بتاعكم والأشتراك في القناه وتفعيل الجرس
علشان يوصلكم كل جديد مني وتشيروا الفيديو علشان الكل يستفاد تعالوا معايا نشوف وصفتنا النهاردة عبارة عن إيه
أول مكون معايا في الوصفه وهو البطاطس هنحتاح نصف حبه من البطاطس زي ما حضراتكم شايفين بالفيديو كده هنقشرها ونغسلها كويس وبعدين نقطعها إلي قطع صغيرة وهنضيف عليها كوب من الماء وهنحطهم في وعاء علي نار هادئه لمده عشر دقايق وهنسبهم لحد ما يغلوا جيدا
وبعد ماغلينا البطاطس علي النار هتطلع معانا زي ماحضراتكم شايفين بالفيديو كده وهنجيب شوكه أو هراسه بطاطس ونهرسها كويس جدا علشان تطلع زي العجينه معانا زي ماحضراتكم شايفين بالفيديو كده
نيجي لثاني مكون معانا وهو البيض هنحتاج بياض بيضه وهنجيب بوله صغيرة هنحط فيها معلقتين كبيرة من مهروس البطاطس وهنضيف عليهم بياض البيض ونقلبهم جيدا لحد مايتجانسوا مع بعض
ثالث مكون معانا وهو زيت الزيتون وطبعا كلنا عارفين فوائده للبشرة هناخد معلقه كبيره من زيت الزيتون وأخر مكون معانا وهو الليمون هناخد نصف معلقه صغيرة من عصير الليمون وهنقلب المكونات جيدا لحد مايتجانسوا مع بعض حضراتكم شايفين القوام عامل أزاي أنا عاوزة القوام ده بالضبط
شاهدي أيضا وصفة سحرية للتخسيس بالجزر ومكونات تانية
هنستخدمه أزاي هنشطف بشرتنا كويس بماء دافئ وبعدين ننشفه ونفرد الماسك علي بشرتنا ونسيبه لمده لا تقل عن 20 دقيقه بالضبط
وبعدها بحركات دائريه كده زي ما حضراتكم شايفين بالفيديو علشان نجري الدورة الدمويه وبعدين نغسل بماء دافئ وبعدين ماء بارد علشان نقفل المسام
والله ياجماعه جربوها وهتدعولي لأنها فعلا جميله جداً وهتعجبكم دي كانت وصفتي النهاردة يارب أكون أفادتكم ويكون الفيديو عجبكم
هستني رأيكم في الكومنتات إن شاء الله تضبط معاكم زي ما ضبطه معايا يارب أكون ضيفه خفيفه علي قلبكم بحبكم في الله
متنسوش أختكم في اللايك الجامد والأشتراك في القناه وتفعلوا الجرس علشان يوصلكم كل جديد مني وتشيروا الفيديو علشان
الكل يستفاد أشوفكم علي خير فيديو جديد وخلطه ووصفه جديده مع وصفات أميرتي سلام
