تطويل وتنعيم الشعر بالبصل والفازلين الطبي
تطويل وتنعيم الشعر بالبصل والفازلين الطبي أزيكم حبيباتي عاملين إيه يارب دايما تكونوا بالف خير وسعادة يامساء الهنا والسعادة علي عيونكم الحلوين ياأحلي أخوات وأحلي متابعين في الدنيا
النهاردة معايا وصفه جديده من وصفات أميرتي
خاصه بالشعر لتطويل وتنعيم الشعر الخشن والمجعد وكمان المتقصف بجد الوصفه جميله جداً ونتيجه الوصفه وعن تجربه مني أنا وبنوتي
حاسه أن في تغيير كبير جداً في شعري وشعر بنوتي بجد الوصفه دي روعه
بس طبعا قبل ما أبتدي الفيديو فضلاً وليس أمرا منكم حبايب قلبي متنسوش اللايك الجامد والأشتراك في القناه وتفعيل الجرس علشان يوصلكم كل جديد وتشيروا الفيديو علشان الكل يستفاد
تعالوا معايا نشوف وصفتنا النهاردة عبارة عن إيه أول مكون معايا في الوصفه وهو البصل
متستغربوش البصل دي ياجماعه بجد فوائده للشعر جميله جداً ومتخفيش من رائحه البصل لانك هتغسلي شعرك بالشامبو الخاص بيكي وهيشيل رائحه البصل خالص وصدقوني النتيجه هتعجبكم جداً
وهتحبوا الوصفه بعد ماتشوفوا تأثيرها علي الشعر هنجيب طبق صغير ونجيب بصله هنقشرها ونغسلها كويس ونقطعها قطع صغيره زي ماحضراتكم شايفين بالفيديو
وهتحطي عليها مقدار معلقتين كبيره من الماء متزوديش ميه علشان ناخد خلاصه البصله كلها وهتضربيها في الخلاط وبعد ماضربت البصله في الخلاط زي ماحضراتكم شايفين بالفيديو كده
هنجيب بوله صغيره وصفايه ونصفي خليط البصله إلا هنحتاجه الميه إلاهتتصفي من البصله هنصفي البصله كلها زي ماحضراتكم شايفين بالفيديو
ويمكنك ايضا مشاهدة وصفة للشعر المجعد ومنع تساقط الشعر
وثاني مكون معانا وهو الفازلين الطبي علي فكرة ياجماعه أنتم ممكن تستخدموا الفازلين الطبي ده للشعر من غير أي مكونات تانيه بجد تحفه وبيطول الشعر وليه فوائد كتير جداً للشعر
هناخد معلقتين كبيرة من الفازلين علي ميه البصل زي ماحضراتكم شايفين بالفيديو
ثالث خطوة هنعملها في الوصفه بتاعنا وهي هنجيب وعاء ونحط فيه ميه مغليه وهنعمل حمام مائي لميه البصل والفازلين علشان يتجانسوا مع بعض كويس
وزي ما حضراتكم شايفين بالفيديو بعد الحمام المائي القوام هيكون كده أنا عاوزة القوام نفس ألا حضراتكم شايفينه بالفيديو بجد الوصفه في منتهي الجمال
هتعطي شعرك طول ونعومه ولمعان فائق الجمال وكمان للشعر الجاف
والمتساقط صدقوني هتعجبكم جداً لما هتجربوها وتشوفوا النتيجه بنفسكم هنستخدم الوصفه أزاي
هتفرقي شعرك نصفين وهتدهني خصله خصله وبعد ماتخلصي هتعملي تدليك لفروة الشعر علشان تمتص الوصفه بتاعنا
وبعدين هتجيبي كيس أو بونيه أو كيس استرتش إلا بنحفظ بيه الطعام وهتلفي شعرك بيه وهتسبيه لمده لا تقل عن ساعه كامله علي شعرك
وبعدين هتغسلي شعرك، بالشامبو الخاص بيكي أو حمام كريم ،ومش هيكون في أي رائحه للبصل نهائيا.
كرري الوصفه يوم بعد يوم ،علشان توصلي للنتيجه إلا تحبيها والله الوصفه جميله وهتعجبكم.
دي كانت وصفتي النهاردة يارب أكون أفادتكم ويكون الفيديو عجبكم هستني تقولو لي في الكومنتات علي النتيجه
إن شاء الله تضبط معاكم زي ما ضبطه معايا وكمان تقدري تستخدميها علي شعر بنوتك مفيهاش أي ضرر عليها
يارب أكون ضيفه خفيفه علي قلبكم بحبكم في الله مش هوصيكم ياجماعه متنسوش أختكم في اللايك الجامد بتاعكم
والأشتراك في القناهوتفعلوا الجرس علشان يوصلكم كل جديد وكمان تشيروا الفيديو علشان غيركم يستفاد
أشوفكم علي خير فيديو جديد وخلطه ووصفه جديده مع وصفات أميرتي سلام
