تفتيح البشره بثلاثة خطوات
تفتيح البشره بثلاثة خطوات: هقدم لكم وصفات طبيعية عن تفتيح البشرة، والمناطق الحساسة،
والمناطق الداكنة في الجسم، الا طبعا كل البنات بتعانى منها.
وهعرفكم علي وصفات مجربه، ومش هتكلفك كتير ،ولا وقت ،ولا مجهود ،ولا فلوس
إن شاء الله ده مش هيكون روتين يومي في حياتك بالعكس ده هيكون مرتين بس في الاسبوع
وهتكون مكونات طبيعيه من قلب مطبخك و هتكون في متناول إيديكي.
نبدأ خطواتنا والخلطة بتاعتي النهاردة
التي تتكون من ثلاثة وصفات : بس قبل ما أبدا الخلطة معاكم عايزة اقولكم حاجه.
طبعا كل بنت بتكون ماشية في الشارع ،بيكون في اتربه وعفار طبعا وشها بيكون فيه الحاجات دي.
مبدئيا كده قبل ما تعملي أي حاجه ،في وشك أو أي ترطيب او أي خلطه بتجريبها علي وشك.
لازم تغسلي بشرتك كويس بغسول يكون خاص ببشرتك ومناسب ليكي او تغسلي وشك بمياه دافئه
بس وقت ما تنشفي بشرتك بلاش تستخدمي فوطه لأنها بتجرح البشرة
وبالذات البنات الا بشرتها بتكون حساسة تمام ممكن يكون عندك قطعه قماش خاصه بيكي انتي بس وببشرتك او منديل
هبدأ معاكم بالوصفة الاولي لتفتيح البشره بثلاثة خطوات بسيطة
وهي المقشر
المقشر بتاعنا النهاردة كل البنات تعرفوا واكيد كل البنات بتستخدمه
المقشر عباره عن معلقه عسل كبيره ومعلقه سكر حبيبات تعالوا معانا نشوف الخطوات بتاعتنا
هنجيب وعاء صغير ونضع فيه معلقه عسل كبيره ومعلقه سكر حبيبات نقلبهم كويس لحد مايتجانسوا
بنحضر المقشر الا عملناه ونوزعه علي وشنا وبتتركيه لمده خمس دقايق علي وشك
طبعا هتحسي بعد الخمس دقائق أن المقشر بدأ يشد علي بشرتك.
هتبدئي تفركي بإيديكي بحركات دائريه برفق علشان بشرتك متتأذاش من حبيبات السكر وبعدين هتغسليه .
دي كانت أول خطوه معانا لتفتيح البشره
يمكنك أيضا مشاهدة : تفتيح المناطق الداكنة والحساسة في الجسم وصفة مجربة هتدعيلي
نبتدي الخطوه التانيه لتفتيح البشرة
وهي عباره معلقه كبيره من العسل أنا عايزة اقولكم يا جماعه إن العسل مفيد جدا للبشرة في كل حاجه بس طبعا العسل النضيف مش أي عسل
أنا دايما بستخدمه في كل الخلطات الا بعملها لتفتيح البشره بالذات
تاني مكون في الخلطة وهو البن
طبعا يا جماعه كلنا عارفين فوايد البن للبشرة هنأخد معلقه كبيره من البن عايزة أقول لكم البن ده مفيد جدا للبشرة البنات الا بيكون عندها أي بذور سمره أو أي حبوب في الوجه
البن بيساعد علي إختفاء الحاجات دي وبيوحد لون البشرة وبيخلي البشرة في منتهي الجمال هتخلطيهم كويس مع بعض لحد مايتجانسوا وهتفردي الماسك علي وشك وكمان تحت العينين للهالات السودة
وتسيبي الماسك علي وشك من خمسة لسبعة دقائق برده بحركات دائريه تفركيه كويس علشان المسام تشرب الماسك كويس وبعدين تغسليه تمام
ودي كانت تاني خطوه معانا في تفتيح البشرة
واخيرا الخطوه الثالثه معانا في تفتيح البشرة : ودي أهم خطوه فيهم لإنها العامل الاساسي في تفتيح البشره الخلطه دي مهمه جدا والا أنا هستخدمه في الخلطة مهم
هنجيب معلقة ونصف كبيرة من الزبادي أي نوع من الزبادي
بس المهم يكون طبيعي تاني مكون وهو ورق الغار او اللوري ،هو مفيد جدا للبشرة بتطحنية كويس ،أو بتجبيه مطحون جاهز من العطار
هنأخد معلقه كبيره من ورق اللوري المطحون وبنقلبها مع الزبادي كويس لحد ما يتجانسوا دي أهم خطوه معانا
والمهمه لأن المكونين الإ في الخلطة دي ،بجد روعه في تفتيح البشرة، وبيدوا البشرة ترطيب جميل جدا ،هنفرد طبقه سميكه من الماسك علي وشنا وبتسبيها لمده عشر دقايق.
علشان تعطيكي نتيجه التفتيح وتوحد لون بشرتك دي أهم خطوه في الخطوات الثلاثه لإنها مفيده جدا وجميله للبشرة
ودي كانت اخر خطوه معانا في الفيديو
وانا بجد كنت مبسوطه جدا إني بقدم لكم حاجه تساعدكم وبالذات للبنات الإ دايما بتدور علي حاجه تفتح بشرتها
انا لسه جديده معاكم وأتمني منكم التشجيع والدعم باللايك والشير وتفعيل الجرس علشان يوصلكم كل جديد في القناه واشتراكاتكم هتسعدني جدا
وبوجودكم القناه هتوصل للأحسن دايما إن شاء الله
اشوفكم علي خير في فيديوهاتي الجايه وصفات كتيره وخلطات أحسن وتفتيح احسن للبشرة ان شاء الله الفيديو القادم يكون أحسن من ده للمناطق الحساسه والداكنة في الجسم
أشوفكم علي خير ان شاء الله في قناه وصفات أميرتي شكرا
