أسهل طريقه لعمل مورد خدود وشفايف (تنت)
أسهل طريقه لعمل مورد خدود وشفايف (تنت) انا طبعا قبل ما ابتدي الفيديو بتاعي
انا بشكر الناس الا بتدخل وبتابعني وبتعمل مشاركه ولايك وبتكتب كومنت حلو يعني الحمدلله مفيش ولا كومنت سئ لحد دلوقتي انا بحمد ربنا اني اتعرفت علي ناس زيكم
انا معاكوا انهاردة وخلطه جديده من وصفات اميرتي وخلطتي النهاردة لتوريد الشفايف والخدود
طبعا كلنا بنستخدم الروچ وبودرة الخدود بس طبعا بنبقي عاوزين حاجه طبيعيه وكويسه علشان الشفايف تبقي دايما حلوة
الخلطه الا انا هعملها النهاردة خلطه جميله جدا جدا الا هي التنت طبعا كلنا عارفين التنت
وفي بنات كتير بتستخدمه بس انا هعمله انهاردة بطريقه جميله جدا وهنستخدم في الخلطه بتاعنا لون الطعام الاحمر المكون ده جميل جدا وانا جربته وفعلا نتيجته حلوه
بس طبعا قبل ما ابتدي الفيديو بتاعي ماتنسوش اللايك الجامد بتاعكم ولو لسه جديد واول مرة تشوفي قناتي اشتركي في القناه
وفعلوا الجرس علشان يوصلكم كل جديد مني وتشيروا الفيديو علشان الكل يستفاد
يلا معايا نشوف الخلطه بتاعنا بتتكون من ايه
في البدايه قبل مانبتدي الخلطه بتاعنا الا هي التنت هنعمل مقشر للشفاه المقشر ده عباره عن ايه
ماسك لنعومه فائقه للشعروتطويلة
أول حاجه هنستخدمها في المقشر بتاعنا وهي معلقه من السكر وهنحتاج معانا معلقه من الفازلين الطبي
ولو انتي حابه تبدليه بمعلقه من زيت جوز الهند الا يريحك بس انا هستخدم الفازلين الطبي لانه بيساعد علي ترطيب الشفاه
المقشر ده هيساعد علي ترطيب الشفاه وبيخليها ناعمه وبيشيل اي جلد ميت موجوده او اي تشققات
وهنحتاج كمان نقطه بسيطه من لون الطعام علشان يديني لون وردي في المقشر الا هنستخدمه
هندوب المكونات كويس جدا حتي تتجانس مع بعضها بتاخدي منه علي الشفاه وبحركات دائريه علي الشفاه
وتدلكيها كويس لحد ما تحسي انها بقت ناعمه معاكي ومفيش اي تشققات او جلد ميت وبعدين تغسليها
وهتلاحظي ان شفايفك بقت ناعمه ورطبه وفيها لمعه جميله جدا زي ماانتوا شايفين
اول حاجه هتجيبي بوله صغيره وهنستخدم مياه معدنيه وبتحطي ميه بمقدار قزازه منكير عندك بتكوني غسلاها كويس جدا
بتحطي ميه بمقدار القزازة دي ونجيب معانا لون الطعام الاحمر هناخد منه نقطه صغيره
لان فعلا لونه احمر شديد جدا هنستخدم نقطه بسيطه بتحطيه علي الميه الا حطناها وبتشوفي درجه اللون الا انتي عاوزاه
لو حابه انه يكون تقيل عن كده بتحطي نقطه كمان من لون الطعام علشان يديكي اللون الا تحبيه وندمجهم مع بعض كويس
هو كده يعتبر التنت بتاعنا اتعمل بس انا بضيف ليه اضافه صغيره من جيل الصبار
علشان يكون التنت تقيل شويه ميبقاش عامل زي الميه هتجيبي سرنجه نظيفه علشان نحط التنت الا عملناه في القزازة بتاعته
زي ما انتوا شايفين هو ده التنت بتاعنا وانا هستخدمه معاكم علشان نشوف قد ايه طبيعي وجميل علي الشفايف
شايفين بجد شكله رقيق جدا وكل مكوناته طبيعيه وطبعا لون الطعام بنستخدمه في الاكل يعني مفيش منه اي ضرر
وكمان هستخدمه لتوريد الخدود زي ماانتوا شايفين جميل اوي توريد طبيعي للخدود والشفايف ومفيش منه اي ضرر ولا اي مواد ضاره زي الروچ والحاجات دي
بجد الخلطه دي جميله جدا وانا بستخدمها دايما ونتيجتها بجد روعه وزي مانتوا شايفين بمسحها قدامكم ومش بتتمسح وثابته معاكي طول اليوم
صدقيني الخلطه دي هتخليكي تستغني عن الميكب خالص
وده كان الفيديو بتاعنا انهاردة الاهو التنت بجد بيديكي جمال طبيعي لشفايفك وخدودك
واهم حاجه متنسوش التقشير الاعملناه في اول الفيديو علشان لو في تشققات او جلد ميت يختفي
طبعا لو الفيديو عجبكم وجربتوه هستني تعليقاتكم الجميله جدا
ومتنسوش اللايك الجامد بتاعكم
وكمان تشتركوا في قناتي وصفات اميرتي وتفعلوا الجرس علشان يوصلكم كل جديد مني وتشيروا الفيديو علشان الكل يستفاد كنت معاكوا انهاردة وبجد هتوحشوني كتير
اشوفكم علي خير مع فيديوهات وخلطات كتير مع وصفات اميرتي سلام
