مشروب قوى يخلصك من مشاكل القاولون وغازات البطن الكرهية
مشروب قوى يخلصك من مشاكل القاولون وغازات البطن الكرهية أزيكم حبيباتي عاملين إيه يارب دايما تكونوا بالف خير وسعادة
يامساء الهنا والسعادة علي عيونكم الحلوين ياأحلي أخوات وأحلي متابعين في الدنيا النهاردة
معايا وصفه جميله جداً جداً من وصفات أميرتي
الوصفه دي ياجماعه عبارة عن مجموعه أعشاب للناس إلا بتعاني من القاولون وإنتفاخ البطن المستمر والغازات الكريهه المشروب بجد جميل جداً لأن كل الأعشاب ألا فيه طبيعيه ومتوفره عند العطار
وميفهاش أي ضرر علي صحتك بالعكس كل مكون من الأعشاب دي ليه دور في الشفاء فعلا مشروب أكثر من رائع
فعلا سهل وبسيط وبجد هيفيدك جامد هما خمس أعشاب بس لازم تكون الكميه متساوية يعني مثلا هاتي من كل عشب 30جرام لازم تكون الكميه متساوية حسب الكميه إلا هتجبيها
بس قبل ما أبتدي الفيديو فضلا وليس أمرا منكم الأشتراك في القناه واللايك إلابيفرح قلبي وتفعلوا الجرس علشان يوصلكم كل جديد وتشيروا الفيديو علشان الكل يستفاد
تعالوا معايا نشوف وصفتنا النهاردة
أول مكون معايا وهو الشمر :طبعا الشمر ناس كتير بتستخدمه لما بيكون عندها أي مشكله في القاولون أنا جايبه من كل عشب ثلاث معالق كبيرة
ولو حابه تزودي الكميه براحتك بس المهم تكون متساويه هنجيب طبق كبير هنحط فيه ثلاث معالق كبيرة من الشمر
تاني مكون معانا أو تاني عشب وهو الينسون :برده الينسون لاغني عنه في أي بيت لأنه جميل جدا للبطن وكمان مهدئ للأعصاب اخدنا ثلاث معالق من الينسون نفس كميه الشمر
ثالث مكون معايا وهو الكراويه: طبعا أي أم كانت دايما تستخدم الكراويه للأطفال علشان انتفاخات البطن وكمان بيساعد علي تهدئتهم هناخد ثلاث معالق كبيرة من الكراويه نفس كميه الشمر والينسون
رابع مكون معانا وهو الزعتير :طبعا إستخداماته كتير وكمان بنستخدمه في الطعام الزعتير بيريح المعده جداً هناخد ثلاث معالق من الزعتير نفس الكميه
وأخر مكون معانا في المشروب بتاعنا وهو النعناع الناشف: طبعا النعناع غني عن التعريف كلنا عارفين فوائد النعناع للبطن والمعده والقاولون
هناخد نفس الكميه ثلاث معالق كبيره زي ماأنتم شايفين كده أخذنا من كل عشب كميه متساويه هنقلبهم مع بعض كده زي ماأنتم شايفين وهنحطهم في برطمان
هتجيبي كوب متوسط الحجم وهتاخدي معلقه صغيره من الاعشاب وتحطيها في الكوب وعليها كوب ماء مغلي وتقلبيها كويس وهتغطيها لمده 5دقايق وبعدين هتجيبي صفايه وتصفي الخليط زي ماأنتم شايفين كده بالضبط
شاهدي ايضا المشروب السحرى للتخسيس في اسبوع
وهتشربيها ولو أي حد بيعاني من مرض السكري ممكن تضيف بذور الكتان بنفس الكميه هتضبط مستوي السكر عندك ولو حابه أنك تحلي المشروب هتحطي معلقه من عسل النحل ابعدي تماما عن السكر هتشربي كوبين في اليوم واحد بعد الفطار بساعه
والثاني بعد الغداء بساعه ولو قدرتي تزودي أكتر من كوبين في اليوم هيكون أحسن ليكي صدقوني المشروب جميل جداً جداً وكله طبيعي مفهوش أي ضرر علي صحتك لأن المشروب كله أعشاب طبيعيه ومفيده سواء لمعدتك أو القاولون أو انتفاخات البطن
وكمان بيقلل حدوث غازات كريهه جربوة وعلي ضمانتي إن شاء الله هيجيب معاكم نتيجه كويسة جداً وهتدعولي يارب أكون أفادتكم بفيديو النهاردة ويارب أكون ضيفه خفيفه علي قلبكم
مش هوصيكم ياجماعه متنسوش اللايك الجامد بتاعكم والأشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
أشوفكم علي خير فيديو جديد وخلطه ووصفه جديدة مع وصفات أميرتي سلام
