خلطة طبيعية لصبغ الشعر باللون الذهبي
خلطة طبيعية لصبغ الشعر باللون الذهبي طبعا ستات كتير بتحب تصبغ شعرها دايما باللون الذهبي وبتروح كوفيرات والصبغات بتكون فيها مواد كيماويه بتجهد الشعر وبتبوظه
الخلطه اللي معايا النهارده كلها مكونات طبيعيه ومن مطبخك مش هتكلفك لا وقت ولا مجهود ولا فلوس زي الكوافير
مكونات بسيطه جدا وسهله ومفعولها جميل دي غير انه هيكون فيها مكونات بتطري الشعر وترطبه وتعطيه لمعان
بس طبعا قبل ماابتدي الفيديو فضلاوليس امرا منكم متنسوش اللايك الجامد بتاعكم والاشتراك في القناه وتفعلوا زر الجرس علشان يوصلكم كل جديد مني وتشيروا الفيديو علشان الكل يستفاد
تعالوا معايا نشوف مكونات الخلطه بتاعتنا ايه اول حاجه هنجيب بوله متوسطه الحجم
اول مكون وهو الزبادي الطبيعي
هنجيب معلقتين كبار من الزبادي لو علبه الزبادي كبيرة هتحطي منهم معلقتين كبار لكن لو علبه الزبادي صغيرة زي اللي معايا في الفيديو هتحطيها كلها زي ما أنتم شايفين
طبعا كلنا عارفين ان الزبادي مرطب جميل جدا للشعر وكمان بيطري الشعر
تاني مكون معانا في الصبغه وهو
الحلبه المطحونه الافضل تجبيها حصي وتطحنيها في الكبه بتاعتك هنحط معلقه كبيرة من الحلبه المطحونه هنقلبهم كويس
وصفة رهيبة للشعر المجعد والهايش
ثالث مكون معانا وهو الكركم
طبعا غني عن التعريف بجد فوايده جميله جدا هنحط معلقه كبيره من الكركم وهنقلب المكونات كويس جدا
فاضل معانا مكونين للخلطه
بس هنعملهم في بوله لوحدهم الاول وبعدين نضيفهم لباقي المكونات هنجيب بوله صغيره وهنجيب بيضه هنضربها كويس
وتاني مكون هو خل التفاح
هنضيف علي البيضه معلقه كبيره من خل التفاح هنضربها مع بعض كويس جدا وبعدين هنضيفهم مع باقي المكونات
أنا حطيت الخل علشان يثبت اللون خالي بالك انا مضفتيش ولا ميه ولا حنة ولا اكسجين خالص لحد دلوقتي
الخلطه طبيعيه مفهاش اي مكون ضار للشعر بجد الخلطه تحفه ولونها يجنن بجد وزي ماانتوا شايفين في الفيديو اللون ذهبي وجميل ازاي
بجد تحفه وهتشوفي الفرق بنفسك في مكون كمان لو حابه تحطيه براحتك
وهو اي نوع زيت عندك سواء زيت زيتون او زيت جوز هند او زيت خروع اي زيت علشان يدي نعومه ولمعان للشعر
بتحطي معلقتين من الزيت انا هحط زيت زيتون لأنه فعلا نوعي المفضل في الزيوت فوايده جميله جدا للشعر تمام
هنقلب كويس جدا علشان تتجانس كل المكونات مع بعضها هنستخدم الخلطه أزاي هتكوني غاسله شعرك كويس جدا مفهوش اي دهان وهتفرقي شعرك نصفين
وهتدهني الخلطه علي شعرك كله وبعدين هتجيبي كيس او بونيه تلفي بيه شعرك وهتسبيه علي شعرك مده لا تقل عن ٤ او ٥ ساعات
ولو شعرك اسمر جامد هتسبيه فترة كبيرة علشان اللون يثبت معاكي وبعدين هتغسليه بالشامبو بتاعك وشوفي النتيجه بجد هتعجبك اوي
دي كانت خلطه الصبغه بتاعنا النهاردة بجد حاجه كده وهم وجميله وهتعجبكم
يارب اكون ضيفه خفيفه علي قلبكم انهارده لو الصبغه عجبتكم وجابت نتيجه حلوه معاكم هستني رايكم في الكومنتات
ومش هوصيكم ياجماعه متنسوش اللايك الجامد بتاعكم وتشتركوا في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
اشوفكم علي خير فيديو جديد وخلطه ووصفه جديده مع وصفات اميرتي سلام
