وصفة لتفتيح اليدين بمواد طبيعيه كلها من مطبخك
وصفة لتفتيح اليدين بمواد طبيعيه كلها من مطبخك طبعا كل الستات بعد مابتخلص طبيخ وغسيل مواعين
بتلاقي ايديها أخشنت وبقت مش حلوة خالص أنا جيبالك وصفه جميله جدا ليكي يا ست الكل
كلها مكونات طبيعيه ومن مطبخك هتعجبك جدا وهتنعم ايديكي وهتخليها بيضه وجميله جدا
بس طبعا قبل ما أبتدي الفيديو فضلا وليس امرا منكم ماتنسوش اللايك الجامد بتاعكم ولو لسه جديده وأول مرة تشوفي الفيديو اشتركى في القناه
وفعلوا الجرس علشان يوصلكم كل جديد مني وتشيروا الفيديو علشان الكل يستفاد
تعالو معايا نشوف الخلطه بتاعنا النهاردة مكوناتها ايه
واول مكون معانا في خلطتنا وهو الخل الابيض
طبعا كل بيت بيكون فيه الخل الابيض ومبنستغناش عنه في مطبخنا
وممكن تستبدليه بخل التفاح لو معندكيش خل ابيض نجيب بوله صغيره هناخد معلقه صغيره من الخل
المكون التاني معانا وهو البن
طبعا غني عن التعريف جميل جدا للبشرة وفوايده كتير للبشرة هناخد معلقه كبيره من البن هنخلطهم كويس جدا مع بعض
المكون الثالث معانا وهو البيض
هنحتاج صفار البيضه بس مش البيضه كلها هندوبها مع المكونات كويس جدا علشان يتجانسوا
تفتيح المناطق الداكنه والحساسه في الجسم وصفة مجربة هتدعيلي
رابع مكون معانا هو النشا
هنحط نصف معلقه من النشا هنخلطه مع المكونات واخر مكون معايا هو وده مينفعش ينضاف غير في اخر المكونات وهو البيكنج بودر
هناخد معلقه كبيره وهنضفها للمكونات بتاعنا هنخلطهم كويس جدا مع بعض هتلاحظي ان المكونات بتزيد معاكي
زي ماانتوا شايفين دي القوام الا انا عاوزاه في الخلطه بتاعتنا هنستخدم الخلطه ازاي هنفذها معاكم في الفيديو زي ما انتوا شايفين
هتجيبي الخليط وتفرديه علي ايدك ولو حابه تعملي ايدك كلها من فوق لحد كف ايدك تمام
هيكون جميله برده واي مكان في جسمك حابه تفتحيه حطي من الخليط ده عليه بجد الخلطه جميله جدا وهتعجبك هتسبيه علي ايدك لمده لا تقل عن ربع ساعه او لحد ما ينشف
هسيبه علي ايدي لحد ماينشف وارجعلكم تاني نشوف النتيجه مع بعض ورجعتلكم تاني بعد مانشف الخليط شايفين شكله بقي ازاي
هنشيله ازاي هنبتدي نفرك الخليط من علي ايدينا زي ما انتم شايفين كده بالضبط كل الجلد الميت والتشققات اللي في ايديكي هتنزل مع الخليط
هتفركيها كويس جدا وكمان مفاصل الصوابع علشان الاسمرار الابيكون فيها وزي ماقلتلك لو حابه تفتحي اي منطقة في جسمك استخدمي الخليط ده
شايفين التفتيج هتشيلي كل الخليط من علي ايدك وبعدين هتغسليها كويس هغسل ايدي وأرجعلكم
شايفين الجمال نعومه وتفتيح بجد جميله جدا الوصفه في منتهي الجمال فعلا جربيها صدقيني هتعجبكم اوي
ده كان الفيديو بتاعي النهاردة وان شاء الله هعمل فيديوهات كتير وخلطات للبشره والجسم كله وكمان للشعر الخشن والمجعد والمتساقط
واي بنت عندها مشكله في جسمها او بشرتها او شعرها هتكتبلي في الكومنتات وان شاء الله حلها عندي كده اكون خلصت الفيديو النهاردة
ودي كانت خلطتي الجباره لتفتيح ونعومه الايدين
مش هوصيكم ياجماعه متنسوش اللايك الجامد بتاعكم والاشتراك في القناه وتفعلوا الجرس علشان يوصلكم كل جديد مني وتشيروا الفيديو علشان الكل يستفاد
اشوفكم علي خير فيديو جديد وخلطه ووصفه جديده مع وصفات اميرتي سلام
